Հայ առաքելական եկեղեցին տոնում է 40-օրական Հիսուսի ընծայումը Տաճարին՝ Տրնդեզը կամ Տեառնընդառաջը
Հասարակություն
Այսօր Հայ առաքելական եկեղեցու տաղավար տոներից մեկն է՝ Տեառնընդառաջը կամ Տրնդեզը։ Սուրբծննդյան և Աստվածահայտնության տոնից 40 օր հետո տոնը նշվում է որպես 40-օրական Հիսուսի ընծայումը տաճարին:
Տոնի արմատները գալիս են հեթանոսությունից, այն նվիրված էր Միհր Աստծուն։ Քրիստոնեություն ընդունելուց հետո Հայ առաքելական եկեղեցին տոնը քրիստոնեացրել է։
Ըստ հրեական օրենքի` ամեն մի արու զավակի ծնունդից հետո, երբ լրանում էր սրբագործման 40 օրը, նորածնի մայրն իր երեխայի հետ այցելում էր տաճար, զոհ մատուցում իր զավակի համար օրհնություն ստանում քահանայից: Այսպես էլ Աստվածամայրը 40-օրական Հիսուսի հետ ներկայանում է Տաճար:
Հայ եկեղեցու կանոնի համաձայն՝ փետրվարի 13-ին՝ երեկոյան ժամերգությունից հետո, կատարվում է նախատոնակ, որով ավետվում է Տերունի տոնի սկիզբը: Դրա ավարտին կատարվում է Անդաստանի կարգ, որի ընթացքում օրհնվում են աշխարհի 4 ծագերը: Եկեղեցու կանթեղներից վերցված կրակով վառվում են խարույկներ՝ իբրև Քրիստոսի լույսի խորհրդանիշ:
Իսկ փետրվարի 14-ին բուն Տեառնընդառաջի օրն է, բոլոր եկեղեցիներում մատուցվում է պատարագ:
Ն.Ս.Օ.Տ.Տ. Գարեգին Բ Ամենայն Հայոց կաթողիկոսի տնօրինությամբ Տեառնընդառաջի Ս. Պատարագից հետո Հայոց եկեղեցիներում կատարվում է Նորապսակների օրհնության կարգ:
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
