ԱՄՆ-ում ձկնորսը հայտնաբերել է 15 տարի առաջ անհետացած կնոջ դին

ԱՄՆ Հյուսիսային Կարոլինա նահանգում ձկնորսը լճի հատակում հայտնաբերել է 2008 թվականին անհետացած կնոջ մեքենան, հայտնում է WRAL-ը։

Կատաոբա կոմսությունում ձկնորսը գնացել է Նորման լիճ և միացնելով հիդրոլոկատորը՝ հատակին հայտնաբերել է մեքենայի ուրվագիծ։ Դեպքի վայր ժամանած մասնագետներն օգտագործել են ստորջրյա ռոբոտ և հաստատել, որ ներքևում մեքենա է ընկած։

Փրկարարները լճից դուրս են բերել Ford Thunderbird մակնիշի ավտոմեքենա։ Մեքենայի ներսում հայտնաբերվել են մարդկային մնացորդներ։ Հաստատված է, որ մեքենան պատկանում է Թինա Մարտինին, ով 15 տարի անհետ կորած է համարվել։ Կնոջ անհետացման հանգամանքները դեռ պարզված չեն։