Տղամարդը հավ գնելու նպատակով գնացել է խանութ ու միլիոնատեր դարձել

ԱՄՆ Մերիլենդի բնակիչը, ով ցանկացել է ներկայանալ Բազոու կեղծանունով, վիճակախաղի տոմսեր է գնել տեղի մթերային խանութից և վերադարձել տուն՝ որպես միլիոնատեր: Այս մասին հայտնում է The Sun-ը։

Փետրվարի 6-ին Բազոուն արթնացել է գիշերվա կեսին և քաղց է զգացել, ուստի գնացել է մոտակա խանութ՝ տապակած հավ գնելու։ Տղամարդը վաճառասեղանի վրա տեսել է վիճակախաղի տոմսեր և որոշել է գնել դրանք գրպաններում մնացած գումարով։ Բազոուն կերել է հավը, ստուգել տոմսերն ու վերադարձել տուն։

Տղամարդու խոսքով՝ ինքը երկար ժամանակ չի կարողացել քնել, ուստի որոշել է հերթական անգամ ստուգել իր տոմսերը։ Նա կրկին ստուգել է դրանք և հասկացել, որ շահել է 750 հազար դոլար։ «Ես իմ կյանքում երբեք նման գումար չեմ շահել։ Այս ամենը հավի շնորհիվ էր: Ես սովորաբար գիշերները չեմ արթնանում»,- ասել է նա։ Խանութը, որտեղից գնվել են տոմսերը, նույնպես ստացել է 1000 դոլար բոնուս:

Տղամարդն ասել է, որ շահած գումարով նոր տուն կգնի իր և որդու համար: Նա նշել է, որ անպայման շարունակելու է լոտո խաղալ։