Թրամփը կրկին քննադատել է Ռիհաննային

ԱՄՆ նախկին նախագահ Դոնալդ Թրամփը քննադատել է Ռիհաննայի ելույթը Super Bowl-ում։ Քաղաքական գործչի խոսքով՝ դա ֆուտբոլի ազգային լիգայի պատմության մեջ երբևէ վատթարագույն ընդմիջումն էր, Թրամփի խոսքերը փոխանցում է Daily Mail-ը։

«Ռիհաննան անցկացրեց, անկասկած, Սուպերբոուլի պատմության ամենավատ շոուն: Եվ սա այն բանից հետո, երբ վիրավորեց մեր ազգի կեսից ավելիին, ում այժմ առանց դրա էլ հեշտ չէ»,- գրել է քաղաքական գործիչը իր Truth Social սոցիալական ցանցում։

Ռիհաննան դեռևս չի մեկնաբանել Թրամփի հարձակումները: Սակայն երգչուհու եւ քաղաքական գործչի դիմակայությունը շարունակվում է արդեն մի քանի տարի։ Թրամփի նախագահության տարիներին Ռիհաննան ամերիկացի առաջնորդին անվանել էր «անբարոյական խոզ»։ Նման կտրուկ հայտարարության պատճառ էր դարձել Թրամփի կողմից միգրացիոն քաղաքականության խստացման մասին հրամանագրի ստորագրումը, որով մահմեդական յոթ երկրների քաղաքացիների մուտքը երկիր ժամանակավորապես արգելվել է։