Ձյուդոիստ Արտյոմ Ղալաչյանը՝ Եվրոպայի գավաթի բրոնզե մեդալակիր
Սպորտ
Հայաստանի ձյուդոյի մեծահասակների հավաքականը փետրվարի 10-14-ը Հովհաննես Դավթյանի գլխավորությամբ մասնակցել է Բուլղարիայի Սոֆիա քաղաքում անցկացված Եվրոպայի բաց վարկանիշային մրցաշարին և մեկ մեդալ նվաճել։ Հաղորդում է ՀՀ ԿԳՄՍՆ-ը։
Հայաստանի ներկայացուցիչ, 66 կգ քաշային Արտյոմ Ղալաչյանը, տանելով 5 հաղթանակ, զբաղեցրել է երրորդ հորիզոնականն ու արժանացել է բրոնզե մեդալի:
Հայաստանի հավաքականի կազմում «EUROPEAN OPEN 2023» մրցաշարին մասնակցել են նաև Գասպար Հայրապետյանը (60 կգ), Ֆերդինանդ Կարապետյանը և Արսեն Ավետիսյանը (երկուսն էլ 73 կգ): Հայաստանի մյուս ներկայացուցիչները մեդալներ չեն նվաճել։
Տարեսկզբին Հայաստանի ձյուդոյի հավաքականի գլխավոր մարզիչ Հովհաննես Դավթյանը, մարզիկներ Ֆերդինանդ Կարապետյանը, Արսեն Ավետիսյանը, Ստյոպա Դարբինյանը, Արտյոմ Ղալաչյանը, Գոռ Կարապետյանը և Արտակ Թորոսյանը Հին աշխարհամասի ավելի քան 400 հեղինակավոր ձյուդոիստների հետ Ավստրիայում մասնակցել են ուսումնամարզական ճամբար-հավաքի: Հավաքի ավարտից ձյուդոիստները մարզումները շարունակել են Օլիմպավանում:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
