Սաակաշվիլիի ուկրաինացի ընկերուհին կորցրել է նրա նկատմամբ հետաքրքրությունը․ ԶԼՄ

Գերագույն Ռադայի պատգամավոր Լիզա Յասկոն, ում սիրավեպը Վրաստանի նախկին նախագահ Միխայիլ Սաակաշվիլիի հետ հայտնի դարձավ դեռևս 2020 թվականին, մեկ տարի է՝ չի այցելել նրան բանտում և կապ չի պահպանում հայրենիքում պատիժ կրող քաղաքական գործչի հետ, գրում է Strana.ua-ն՝ հղում անելով աղբյուրներին։ Հրատարակության տվյալներով՝ աղջիկն աստիճանաբար կորցրել է հետաքրքրությունը հանրապետության նախկին ղեկավարի նկատմամբ։

«Նա նույնիսկ հղի է ձևացել։ Նա Միշային և նրա մորն ասել էր, որ երեխայի է սպասում։ Այդպիսով նրան ստիպել էր տեսաձայնագրել իրենց հարաբերությունների մասին խոստովանությունը Սաակաշվիլիի՝ Վրաստան մեկնելուց առաջ։ Իսկ երբ նա հայտնվել է ճաղերի հետևում, ինքն է հրամայել հրապարակել այն։ Իբր թե, դա Միխայիլի կամքն է»,- ասել է Սաակաշվիլիին մոտ կանգնած աղբյուրը։

Ինչպես նշվում է, քաղաքական գործչի և Յասկոյի հարաբերություններն ամբողջությամբ դադարել են այն բանից հետո, երբ ուկրաինացի պատգամավորը պարզել է, թե ում է պատկանում նրա ողջ անշարժ գույքը։ Հրատարակությունն ընդգծում է, որ Սաակաշվիլին իր ողջ ունեցվածքը գրանցել է մոր անունով։