Քանյե Ուեսթի մասին վավերագրական ֆիլմ կնկարահանվի

BBC մեդիա հոլդինգը վավերագրական ֆիլմ կնկարահանի և ութ դրվագից բաղկացած փոդքասթ կթողարկի Քանյե Ուեսթի կյանքի մասին, հաղորդում է Deadline-ը։

Ֆիլմը, որը վերնագրված է «Մենք պետք է խոսենք Քանյեի մասին» (We Need to Talk About Kanye), կնկարահանվի հետաքննող լրագրող Մոբին Ազհարի կողմից, ով ավելի վաղ ներկայացրել էր Բրիթնի Սփիրսի մասին «Պայքար Բրիթնիի համար»-ը։

Ազհարը կփորձի հասկանալ ռեփերին, ով վերջին տարիներին սկանդալային փառք է ձեռք բերել իր հակասեմական հայտարարությունների, վատ պահվածքի և ԱՄՆ նախագահի պաշտոնում առաջադրվելու որոշման պատճառով։

Նախկինում Netflix ծառայությունը հրաժարվել էր հեռացնել Քանյե Ուեսթի մասին Jeen-Yuhs վավերագրական ֆիլմը՝ չնայած արտիստի հակասեմական հայտարարություններին։ Ինչպես պարզաբանել են Netflix-ի ներկայացուցիչները, երեք դրվագից բաղկացած ֆիլմը կմնա հասանելի, քանի որ Քանյեն ինքը չի մասնակցել դրա ստեղծմանը, բացի այդ, այն չի պարունակում հակասեմական հայտարարություններ, որոնք արտիստը վերջերս թույլ էր տվել իրեն։