Անգլիայից Զամբիա տեղափոխված ամուսինները խոստովանել են, որ կոկորդիլոսները կերել են իրենց ընկերներին

Այլ 15 Փետրվար, 2023 20:23

Անգլիայից Զամբիա տեղափոխված զույգը պատմել է, որ իրենց ընկերներից մի քանիսին կերել են կոկորդիլոսները, գրում է Daily Mail-ը։ Չնայած դրան՝ զույգը վստահ է, որ ճիշտ ընտրություն է կատարել։

Ռութ և Լինդոն Փինչերը Զամբիա են տեղափոխվել վեց տարի առաջ: Նոր վայրում զույգը բացել է փոքրիկ հյուրանոց վայրի բնության մեջ, որտեղ մի սենյակի համար զբոսաշրջիկները վճարում են օրական 218 ֆունտ ստեռլինգ։ Ու թեև ամուսինն ու կինը երկար ժամանակ ապրում են Աֆրիկայում, սակայն դեռ չեն վարժվել տեղի կենդանիներին։

Ըստ Լինդոնի՝ առյուծները, վագրակատուները, ընձառյուծները, կոկորդիլոսները և նույնիսկ գետաձիերը կարող են գիշերը քայլել իրենց տարածքի մոտով։ Կենդանիներին գրավում է ընտանիքի տան կողքով հոսող գետը։

«Այստեղ ընձառյուծներ են քայլում, գետաձիեր են դուրս գալիս գետից, կոկորդիլոսներ կան ամենուր, շատ այծքաղներ կան»,- մեկնաբանել է տղամարդը։

Զույգը նաև պատմել է, որ իրենց ընկերներից մի քանիսին կոկորդիլոսները կերել են, սակայն զույգը պնդում է, որ Զամբիան հրաշալի վայր է։ Բացի այդ, այդտեղ են ծնվել նրանց դուստրերը։ Ծնողները կարծում են, որ վայրի բնության մեջ մեծանալը երեխաներին ավելի ինքնավստահ կդարձնի:

Ruth, 36, and Lyndon Pinches, 39, moved from the UK to Zambia six years ago to open a safari lodge business where tourists pay £218 per person per night to stay at. They are raising their two daughters, Indiana, called 'Indie,' and Ivy, in the wilderness. Thet met Ben Fogle for New Lives in the Wild, airing tonight at 9pm on Channel 5