Սթիվեն Սփիլբերգը շնորհակալություն է հայտնել Թոմ Քրուզին՝ Հոլիվուդը փրկելու համար

Ամերիկացի ռեժիսոր Սթիվեն Սփիլբերգը շնորհակալություն է հայտնել դերասան Թոմ Քրուզին՝ ամերիկյան կինոն փրկելու համար։ Այս մասին հայտնում է The Hollywood Reporter-ը։

«Օսկար»-ի հավակնորդների ամենամյա ընթրիքի ժամանակ կինոռեժիսորն ասել է, որ «Թոփ գան. Մևերիկ»-ի («Top Gun: Maverick») աստղ Քրուզն այս ֆիլմով «փրկել է Հոլիվուդի հետույքը»: Նշվում է, որ դերասանն ամաչել է այս հաճոյախոսությունից, ուստի ի պատասխան նա պարզապես թափահարել է գլուխը։

2022 թվականի օգոստոսին հաղորդվեց, որ «Թոփ գան. Մևերիկ»-ը ԱՄՆ կինովարձույթում ամենաեկամտաբեր ֆիլմերի ցանկում առաջ է անցել «Տիտանիկ»-ից։ Բացի այդ, ֆիլմը ներկայացված է «Օսկար»-ի՝ «Լավագույն ֆիլմ» և «Լավագույն ադապտացված սցենար» անվանակարգերում։