Չինաստանում աշակերտը մահացել է այն բանից հետո, երբ ուսուցիչն անտեսել է նրա՝ առողջության վերաբերյալ բողոքները

Չինաստանում ութամյա տղան մահացել է այն բանից հետո, երբ ուսուցչուհին անտեսել է նրա՝ առողջության վերաբերյալ բողոքները, գրում է Mothership-ը։ Մահացածի ծնողները վստահ են, որ ողբերգությունից կարելի էր խուսափել, եթե չլիներ ուսուցչի անփութությունը։

Ըստ լրատվամիջոցի՝ մահացած տղայի անունը Գո Ժույչենիու էր։ Մոր խոսքով՝ որդին իրեն վատ է զգացել դպրոցում երրորդ դասաժամին։ Նա բարձրացրել է իր ձեռքը, որպեսզի հայտնի ուսուցչուհուն իր խնդիրների մասին, սակայն վերջինս անտեսել է նրան: Գործի նյութերն ուսումնասիրելուց հետո ոստիկանները նշել են, որ աշակերտը յոթ անգամ ձեռք է բարձրացրել։ 

Գոյի վիճակն այնքան է վատացել, որ նա գլուխը դրել է սեղանին։ Բացի այդ, ուսուցչուհին10 րոպեով հետաձգել է դասը, ուստի երեխան հազիվ է կարողացել գնալ ընդմիջման. նա ստիպված է եղել հենվել պատին, որպեսզի չկորցնի հավասարակշռությունը։

Այն բանից հետո, երբ մյուս երեխաները ուսուցչուհուն պատմել եմ իրենց դասընկերոջ վիճակի մասին, նա երեխային տարել է բուժկետ։ Գոյի ընկերուհու խոսքով՝ երբ ինքն ու ուսուցչուհին հասել են չորրորդ հարկ, նա նախատել է տղային և խնդրել, որ դադարեցնի լացը։

Ի վերջո երեխան ընկել է աստիճանների վրա, հարվածել գլուխը և կորցրել գիտակցությունը։ Գոյի հայրը, ով սպասում էր նրան դպրոցի դարպասի մոտ, փորձել է դպրոց մտնել այն բանից հետո, երբ համադասարանցիները հայտնել են, թե ինչ է պատահել տղայի հետ։

Սակայն տղամարդուն մուտքի մոտ կանգնեցրել են անվտանգության աշխատակիցները և նա կարողացել է մուտք գործել դպրոց միայն այն բանից հետո, երբ մաթեմատիկայի ուսուցիչը նրան ներս է թողել: Բացի այդ, աշակերտի հայրն ինքն է շտապօգնություն կանչել, քանի որ աշխատակիցները խուճապի մեջ էին եղել ու չգիտեին՝ ինչ անել։

Արդեն հիվանդանոցում բժիշկները Գոյի ծնողներին հայտնել են, որ իրենց որդին անգիտակից է և երկար ժամանակ չի շնչել, ինչը մեծ ​​վնաս է հասցրել նրա ուղեղին։ Արդյունքում, երեխան կլինիկայում անցկացրել է մոտ 280 օր և ավելի քան վեց ամիս մնացել է տանը  մինչև մահանալը:

Գոյի մայրը հերքում է, որ որդին որևէ հիվանդություն է ունեցել և պնդում է, որ նա առողջ է եղել։ Կինը պնդում է, որ ուսուցչի անփութությունն ու ոչ ադեկվատ արձագանքը հանգեցրել են տղայի ընկնելուն, բուժման հետաձգմանը և, ի վերջո, մահվան։

Բացի այդ, դպրոցը ներողություն չի խնդրել Գոյի ծնողներից։ Ինքը՝ ուսուցչուհին, նույնիսկ չի մասնակցել դատական ​​նիստերին, չնայած գործի առանցքային վկա է:

Այս թեմայով ՀՀ-ի և ՉԺՀ-ի միջև ձևավորված հարաբերություններն առանձնանում են համագործակցության բարձր մակարդակով Պատրաստ եմ ջանք գործադրել ՀՀ-Չինաստան հարաբերություններն առավել զարգացնելու համար․ Փաշինյան Էլինա Ավանեսյանը պարտվեց, Կարեն Խաչանովը դուրս եկավ 1/4 եզրափակիչ Պատրաստ ենք նպաստել Հայաստանի հետ հարաբերությունների զարգացմանն ավելի բարձր մակարդակով․ Չեն Մին Սուրեն Պապիկյանը մեկնել է Չինաստան