Հոգեբանները պարզել են, թե ինչպես է սոցցանցերի օգտագործումն ազդում դեռահասների ինքնագնահատականի վրա

Տորոնտոյի համալսարանի գիտնականները պարզել են, որ սոցիալական ցանցերի ակտիվ օգտագործումը մեծացնում է տղաների և երիտասարդ տղամարդկանց մոտ իրենց մարմնից և մկանային զանգվածից դժգոհության առաջացման վտանգը։ Հետազոտությունը հրապարակվել է Eating and Weight Disorders ամսագրում:

Գիտնականները վերլուծել են ավելի քան 2500 կանադացի դեռահասների և երիտասարդների տվյալները: Նրանք պարզել են, որ որքան շատ ժամանակ են տղաները ծախսում սոցցանցերում և մեսենջերներում, այնքան ավելի շատ են դժգոհում իրենց մարմնից: Աղջիկների համար մարմնի նկատմամբ դժգոհության ռիսկի գործոններն են հեռուստացույց դիտելը, համացանցում տեղադրված տեսանյութը, մեսենջերների օգտագործումը և տեսազրույցները:

Հետազոտողները շեշտել են, որ տեսանյութեր դիտելը և սոցիալական ցանցերի օգտագործումը կարող են լինել մարզումների և սնվելու մասին տեղեկություն հավաքելու միջոց, ինչը կարող է նվազեցնել մտավոր սթրեսը: Տեսազրույցները, ընդհակառակը, կարող են մեծացնել մարմնի նկատմամբ անբավարարվածությունը՝ պայմանավորված այն հանգամանքով, որ երեխաները բախվում են հաղորդակցման այս ձևաչափում իրենց սեփական արտացոլմանը:

Հեղինակները կարծում են, որ ծնողները և հանրային առողջության մասնագետները պետք է մտածեն սոցիալական մեդիայի օգտագործումը սահմանափակելու և ավելի առողջ բովանդակություն ստեղծելու ուղիներ՝ երեխաների շրջանում հոգեկան խանգարումների տարածվածությունը նվազեցնելու համար: