Թուրքիայում գրանցված ավերիչ երկրաշարժը վնաս է հասցրել նաև Թուրքիայի Հաթայ նահանգում գտնվող հայկական երեք եկեղեցիներին, մեկն ամբողջությամբ փլվել է:
Այս մասին, ինչպես հաղորդում է «Արմենպրես»-ը, տեղեկացնում է Պոլսո Հայոց պատրիարքարանը:
Քըրըքխանի Սուրբ Գրիգոր Լուսավորիչ եկեղեցին, որը գտնվում էր կիսավեր վիճակում (փլված էր միայն տանիքը), ամբողջովին փլվել է:
Վաքըֆ գյուղի Սուրբ Աստվածածին եկեղեցու շինությունը բարեբախտաբար չի վնասվել, բայց վնասվել է ներսի մի հատվածը և դրսում գտնվող աղբյուրի կողքի պատը:
Իսքենդերունի (Ալեքսանդրետ) Սրբոց Քառասնից Մանկանց Եկեղեցին նույնպես ներսի հատվածում վնասներ է կրել, որոնք հնարավոր է վերանորոգմամբ շտկել:
Նշվում է, որ Սուրբ Աստվածածին եկեղեցում և Սրբոց Քառասնից Մանկանց Եկեղեցում ներսի մաքրման և շտկման աշախատանքներ են իրականացվում:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
