Նախկին պատգամավորի որդին ինքնակամ ներկայացել է քննիչին

SHAMSHYAN.com-ի տեղեկություններով՝ այսօր՝ փետրվարի 17-ին, ՀՀ Ներքին գործերի նախարարության Ոստիկանության Արարատի մարզային վարչության (վարչության պետ՝ Սարիբեկ Ռուստամյան), Ոստիկանության Արարատի բաժնի Քրեական հետախուզության և համայնքային ոստիկանության բաժանմունքների ծառայողները (բաժնի պետ՝ Ֆիլիպպ Ստեփանյան), համագործակցելով Հայաստանի Քննչական կոմիտեի Արարատի մարզային Քննչական վարչության և նույն վարչության Վեդիի Քննչական բաժնի հետ (բաժնի պետ Արթուր Ավետյանի և հատկապես կարևոր գործերով ավագ քննիչ Լևոն Գևորգյանի գլխավորությամբ) մի քանի օր շարունակ օպերատիվ-հետախուզական և քննչական հսկայածավալ գործողություների, այնուհետև բացատրական աշխատանքների արդյունքում քիչ առաջ Քննչական բաժին է ինքնակամ ներկայացել Արմավիրի մարզի բնակիչ 41-ամյա Արտակ Գևորգյանը։

Աղբյուրի հաղորդմամբ՝ վերջինս նախկին պատգամավոր «Հոկտեմբերյանցի Նովոյի» որդին է, ով կասկածվում է փետրվարի 13-ին Արարատի մարզում հայտնի Արարատի գինու գործարանի տնօրեն Արմեն Սարգսյանին պատկանող Toyota Cruiser Prado մակնիշի ավտոմեքենան առևանգելու և վթարի պատճառ դառնալու, այնուհետև դեպքի վայրից, իսկ հետո հիվանդանոցից փախուստի դիմելու մեջ։

Աղբյուրի տեղեկություններով՝ հնարավոր է՝ Քննչական բաժինը այսօր որոշի, թե նրա նկատմամբ խափանման ինչ միջոց է ընտրելու։

Ինչպես ավելի վաղ հայտնելի էր դարձել, ՀՀ Ներքին գործերի նախարարության ոստիկանության Արարատի մարզային վարչության (վարչության պետ Սարիբեկ Ռուստամյանի), ոստիկանության Արարատի բաժնի քրեական հետախուզության և համայնքային ոստիկանության բաժանմունքների ծառայողների կողմից (բաժնի պետ Ֆիլիպպ Ստեփանյանի) գլխավորությամբ, համագործակցելով Հայաստանի քննչական կոմիտեի Արարատի մարզային քննչական վարչության և նույն վարչության Վեդիի քննչական բաժնի քննիչների հետ, բաժնի պետ Արթուր Ավետյանի և հատկապես կարևոր գործերով ավագ քննիչ Լևոն Գևորգյանի գլխավորությամբ, ձեռնարկելով անհրաժեշտ օպերատիվ-հետախուզական և քննչական համատեղ գործողություններ, պարզել էին փետրվարի 13-ին Արարատի մարզում առևանգված Toyota Land Cruiser Prado-ի մասնակցությամբ խոշոր ավտովթարի հետևանքով հիվանդանոց տեղափոխված վիրավորների ինքնությունը։

Ավելին՝ սկզբնաղբյուր կայքում։