Բրյուս Ուիլիսի մոտ դեմենցիա է ախտորոշվել

Հոլիվուդյան դերասան Բրյուս Ուիլիսի ընտանիքը հայտարարել է, որ արտիստի մոտ ախտորոշվել է ճակատաքունքային դեմենցիա: Հայտարարությունը հրապարակել են նրա երեխաները, կինը՝ Էմմա Հեմինգը, և նախկին կինը՝ Դեմի Մուրը, Frontotemporal Degeneration Association-ի կայքում։

«Ցավոք սրտի, հաղորդակցության հետ կապված խնդիրները հիվանդության ախտանիշներից ընդամենը մեկն է, որին բախվում է Բրյուսը: Ճակատաքունքային դեմենցիան դաժան հիվանդություն է, որի մասին մեզանից շատերը երբեք չեն լսել ․․․ 60 տարեկանից ցածր մարդկանց մոտ ճակատաքունքային դեմենցիան դեմենցիայի ամենատարածված ձևն է:

Այսօր այս հիվանդության բուժումը չկա, և հուսով ենք, որ դա կարող է փոխվել առաջիկա տարիներին։ Հուսով ենք՝ քանի որ Բրյուսի վիճակը վատանում է, լրատվամիջոցների ուշադրությունը կարող է կենտրոնանալ այս հիվանդության վերաբերյալ լույս սփռելու վրա, որը պահանջում է շատ ավելի մեծ իրազեկում և հետազոտություն»,- ասվում է հայտարարության մեջ։

67-ամյա Ուիլիսի մոտ անցյալ տարվա գարնանը ախտորոշվել է աֆազիա, որը խոսքի դժվարություններ է առաջացնում, սակայն հիվանդությունը զարգացել է, և այժմ նրան ավելի հստակ ախտորոշում են տվել:

Ընտանիքը նաև երախտագիտություն է հայտնել դերասանի երկրպագուների ցուցաբերած աջակցության համար: