Բլինքենը նշել է Լաչինի միջանցքի բացման անհրաժեշտության մասին
Արտաքին Քաղաքական
ԱՄՆ Պետդեպարտամենտի ղեկավար Էնթոնի Բլինքենը Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ բանակցությունների ժամանակ նշել է Լաչինի միջանցքով ազատ ու բաց կոմերցիոն և մասնավոր տարանցման անհրաժեշտության մասին։ Այս մասին տեղեկանում ենք ԱՄՆ Պետդեպարտամենտի պաշտոնական ներկայացուցիչ Նեդ Փրայսի հայտարարության մեջ, որը հրապարակվել է գերատեսչության կայքում։
«Պետքարտուղար Էնթոնի Ջ. Բլինքենն այսօր Մյունխենում հանդիպել է Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ՝ Հայաստանի և Ադրբեջանի միջև երկկողմ խաղաղ բանակցություններն առաջ մղելու նպատակով։ Նա նշել է այն զգալի առաջընթացը, որը երկու կողմերը հասել են վերջին մի քանի ամիսների ընթացքում խաղաղության համաձայնագրի ուղղությամբ, և ԵՄ նախագահ Շառլ Միշելի՝ կողմերին Բրյուսելում հյուրընկալելու առաջարկը։ Քննարկման ընթացքում քարտուղարն ընդգծել է Լաչինի միջանցքով ազատ ու բաց կոմերցիոն և մասնավոր տարանցման անհրաժեշտությունը»,- ասված է հայտարարության մեջ։
Բլինքենը նաև կոչ է արել կողմերին բացել այլ տրանսպորտային ուղիները։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
