Փաշինյանը հանդիպում է ունեցել Միջազգային ճգնաժամային խմբի նախագահի հետ. վարչապետի այցը Մյունխեն ավարտվել է

Վարչապետ Նիկոլ Փաշինյանը Մյունխենի անվտանգության համաժողովի շրջանակում հանդիպում է ունեցել Միջազգային ճգնաժամային խմբի նախագահ Կոմֆորտ Էրոյի հետ:  Այս մասին հայտնում են ՀՀ կառավարությունից։

Անդրադարձ է կատարվել Հարավային Կովկասում տեղի ունեցող գործընթացներին, Լեռնային Ղարաբաղի շուրջ իրավիճակին, Ադրբեջանի կողմից Լաչինի միջանցքի ապօրինի շրջափակման հետևանքով ԼՂ-ում ստեղծված հումանիտար, բնապահպանական և էներգետիկ ճգնաժամին:

Կարևորվել է Միջազգային ճգնաժամային խմբի հետ համագործակցության զարգացումն ու շարունակականությունը:

Վարչապետ Փաշինյանի աշխատանքային այցը Մյունխեն ավարտվել է: