Ռուսաստանում օգտագործված մեքենաներն սկսել են թանկանալ

Ռուսաստանում նոր մեքենաների դեֆիցիտի պատճառով օգտագործված մեքենաներն սկսել են թանկանալ։ «AUTOSTAT» վերլուծական գործակալության փորձագետները վերլուծել են, թե դրանցից որոնք կարելի է առավել շահավետ վաճառել այս տարի։ Այս ուսումնասիրությունները տրամադրում է «Экономика сегодня» պորտալը, հաղորդում է Lenta.ru-ն:

B սեգմենտում ամենաշահութաբերները եղել են Kia Rio-ն, Renault Sandero-ն և Hyundai Solaris-ը, որոնց արժեքը 2019 թվականի համեմատ աճել է համապատասխանաբար 26,8 տոկոսով, 25,4 տոկոսով և 25,1 տոկոսով։

C սեգմենտից ամենամեծ շահույթով կարող են վաճառվել Mazda 3-ը, Kia Cerato-ն և Hyundai Elantra-ն։ Դրանց գներն աճել են համապատասխանաբար 28 տոկոսով, 27,3 տոկոսով և 23,9 տոկոսով։ Իսկ D սեգմենտում դա Toyota Camry-ն է՝ այս մոդելի գինն աճել է 30,8 տոկոսով։