Վերոնիկա Ավալյանին բռնաբարած և խեղդամահ արած Տվերի բնակիչը դատապարտվել է 16,5 տարվա ազատազրկման

ՌԴ Տվերի շրջանային դատարանը դատապարտել է ռուսաստանցուն, ով բռնաբարել և սպանել է 18-ամյա Վերոնիկա Ավալյանին։ Այս մասին հայտնում է դատարանի մամուլի ծառայությունը, հաղորդում է Gazeta.ru-ն։

Ողբերգությունը տեղի է ունեցել անցյալ տարվա հունիսի 16-ին Միշկի գյուղի մոտ։ Այնտեղ Զախարովը հանդիպել է Ավալյանին, ում նախկինում չէր ճանաչում, և նրան գցել ճամփեզրին գտնվող ջրանցքը։

Այն բանից հետո, երբ տուժողը կորցրել է գիտակցությունը, բռնաբարողը նրան քարշ է տվել անտառային գոտի և բռնաբարել։ Որոշ ժամանակ անց աղջիկը մահացել է մեխանիկական շնչահեղձության հետեւանքով՝  շնչուղիների՝ ջրով փակվելու հետեւանքով։

«Հաշվի առնելով Զախարովի կողմից իր մեղքն ամբողջությամբ ընդունելը, հանցագործության բացահայտմանն ու հետաքննության գործում ակտիվ ներդրումը, նա դատապարտվել է 16 տարվա ազատազրկման»,- ասվում է հաղորդագրությունում։

Զախարովին պարտավորեցրել են մահացածի հարազատներին վճարել 2 մլն ռուբլի, ինչպես նաև հոգալ հուղարկավորության ծախսերը։