Ալիգատորը հոշոտել է լճակի կողքով քայլող տարեց կնոջը (լուսանկարներ)

Ալիգատորը հոշոտել է ԱՄՆ Ֆլորիդա նահանգի 85-ամյա բնակչուհուն, ով զբոսնելիս է եղել շան հետ։ Այս մասին հայտնում է Fox News-ը։

Տարեց կինն ապրում էր ծերանոցում և քայլում էր մոտակայքում գտնվող լճակի կողքով։ Ալիգատորը հարձակվել է թոշակառուի վրա, բռնել ու քաշել ջրի տակ։

Դեպքի վայր են ժամանել Ֆլորիդայի բնության պահպանության դեպարտամենտի քննիչները։ Մահացածի մարմինը հանել են ջրից, իսկ ալիգատորների որսորդը բռնել է սողունին։

Պահպանության վարչության աշխատակիցներն իրենց ցավակցությունն են հայտնել զոհվածի հարազատներին և մտերիմներին։ Նրանք ընդգծել են, որ ալիգատորների հարձակումները, որոնք հանգեցնում են մահվան դեպքերի, չափազանց հազվադեպ են: