ՄԱԿ-ի գլխավոր քարտուղարն ի գիտություն է ընդունել Հաագայի դատարանի՝ Լաչինի հարցով որոշումները

Անտոնիո Գուտերեշը հայտարարել է, որ Լաչինի միջանցքով անխոչընդոտ տեղաշարժը պետք է ապահովվի․

«Գլխավոր քարտուղարը ողջունում է Հայաստանի և Ադրբեջանի կառավարությունների վստահությունը Արդարադատության միջազգային դատարանին, որոնք խնդրել էին լուծել իրենց տարաձայնությունները:

Նա հիշեցնում է, որ դատարանի վճիռները պարտադիր են կատարման և հույս է հայտնում, որ կողմերը կկատարեն իրենց պարտականությունները՝ ներառյալ Լաչինի միջանցքով երկու ուղղություններով մարդկանց, տրանսպորտային միջոցների և բեռների անարգել տեղաշարժն ապահովելը։ 

Գլխավոր քարտուղարը հույս է հայտնում, որ Հայաստանն ու Ադրբեջանը կշարունակեն աշխատել իրենց երկկողմ հարաբերությունների բարելավման ուղղությամբ և վճռականորեն խրախուսում է կառուցողական երկխոսությունը»,- ասված է հայտարարությունում։