Մայիսի 1-ից մինչեւ հուլիսի 7-ը պահեստազորայինների հավաքներ կանցկացվեն․ նախագիծը շրջանառվում է

ՀՀ պաշտպանության նախարարությունը e-draft.am կայքում հանրային քննարկման է ներկայացրել «Վարժական հավաքներ հայտարարելու եւ դրա ապահովման համար ռազմատրանսպորտային պարտականություն ունեցող մարմինների տրանսպորտային միջոցները ներգրավելու մասին» կառավարության որոշման նախագիծը։ Օրինագիծը հրապարկված է Իրավական ակտերի նախագծերի հրապարակման միասնական կայքում։ Գործադիր իշխանությունը նախատեսում է 2023 թվականի մայիսի 1-ից մինչեւ հուլիսի 7-ը անցկացնել պահեստազորայինների վարժական հավաքներ ու ռազմատրանսպորտային պարտականություններ ունեցող մարմիններից ներգրավել տրանսպորտային միջոցներ։