Ալլա Պուգաչովան հրաժարվել է Կիրկորովի դստեր կնքամայրը դառնալուց

Երբ որ ռուսական մամուլը հայտնեց, որ Միացյալ նահանգներում նոյեմբերի 26-ին ծնվել է Ալլա–Վիկտորիա Կիրկորովան, ռուսական լրատվամիջոցները սկսեցին ոչ միայն գուշակել թե նորածին երեխայի անունն ում հետ է կապված, այլ նաև փորձում էին միանգամից գուշակել, թե ովքեր են լինելու այդ երեխայի կնքահայրն ու կնքամայրը։ Լրատվամիջոցները հայտնեցին, որ Նիկոլայ Բասկովը ցանկություն է հայտնել դառնալ Կիրկորովի փոքրիկի կնքահայրը, սակայն որոշ ժամանակ անց երգիչը հերքեց այդ լուրը։

Բասկովի հերքումից անմիջապես հետո լուրեր սկսեցին պտտվել, որ Կիրկորովի երեխայի կնքահայրը լինելու է Անդրեյ Դենիլկոն։ Երգիչն՝ ինքը, դեռևս չի շտապել այդ տեղեկատվությունը մեկնաբանել։ Սակայն ոչ ոք չէր հարցրել, թե ով է լինելու փոքրիկի կնքամայրը, քանի որ բոլորը համոզված էին, որ միանշանակ Ալլա Պուգաչովան է լինելու։ Սակայն, ինչպես պարզվում է, Պրիմադոննան չի ցանկանում կրկին կապ հաստատել նախկին ամուսնու հետ։ Ըստ ռուսական մամուլի՝ օրերս Ալլան հայտարարել է, որ չի պատրաստվում լինել Ալլա-Վիկտորիայի կնքամայրը։ Երգչուհին նշել է, որ ինքն արդեն երեք անգամ է, ինչ կնքամայր է դառնում, և այլևս չի ցանկանում լինել որևէ մեկի կնքամայրը։