Վլադիմիր Պուտինի վերջին 4 տարիների եկամուտը կազմում է 18 միլիոն ռուբլի

Ռուսաստանի վարչապետ և նախագահի թեկնածու Վլադիմիր Պուտինը կենտրոնական ընտրական հանձնաժողովում հայտարարագրել է իր տարեկան եկամուտները։ Վերջին 4 տարիների ընթացքում Պուտինի եկամուտները կազմել է մոտ 18 մլն. ռուբլի։ Այս տվյալներն այսօր հրապարակել է «Российская газета»։

Ըստ եկամուտների հայտարարագրման տվյալների՝ ՌԴ վարչապետի եկամուտները գոյացել են աշխատավարձից, զինվորական թոշակից, բանկային ավանդների տոկոսադրույքներից և բաժնետոմսերից։ Պուտինն իր անունով ունի 10 բանկային հաշիվներ, ինչպես նաև «Սանկտ-Պետերբուրգ» բանկում 230 բանկային բաժնետոմսեր։

Սեփական գույքը կազմում է 77, 7 քառակուսի մետր տարածքով Սանկտ Պետերբուրգում գտնվող բնակարանը և Մոսկվայի մարզում գտնվող 1500 քառակուսի մետր հողատարածքը։ 

Իսկ վարչապետ Պուտինի կնոջ՝ Լյուդմիլա Պուտինայի բանկային հաշիվները կազմում են ավելի քան 8.3 միլիոն ռուբլի։