Նաոմի Քեմփբելն առաջին անգամ հայտնվել է հնդկական Vogue-ի շապիկին

Մոդել Նաոմի Քեմփբելը լուսանկարվել է հնդկական Vogue ամսագրի ապրիլ և մարտ ամիսների համարների համար։ Այս մասին ասվում է Vogue կայքում։

Բրիտանացի սուպերմոդել Նաոմի Քեմփբելն առաջին անգամ հայտնվել է Vogue India-ի շապիկին։ Նա լուսանկարվել է հնդիկ դիզայներ Սաբյասաչի Մուկերջիի նրբագեղ գլխազարդով, ականջօղերով և վզնոցով:

Երկրպագուները հիացած էին մոդելի նոր լուսանկարներով։ Instagram-ում շատերը այս աշխատանքը «կուլտային» են անվանել։

«Ես միշտ ցանկացել եմ նկարահանվել Vogue India-ի համար: Եվ ես հիշում եմ, որ Հարավային Աֆրիկայում կոնֆերանսի ժամանակ հանդիպեցի Հնդկաստանից մի մարդու և ասացի նրան այդ մասին: Ես շատ եմ սիրում այս երկիրը: Ես այստեղ զգում եմ ինձ իմ աշխարհում»,- հարցազրույցներից մեկում ասել է Քեմփբելը։ Մոդելը առաջին անգամ Հնդկաստան է այցելել 1994 թվականին, որից հետո նա բազմիցս այցելել է երկիր և միշտ կրել է հնդկական ապրանքանիշերի հագուստներ, ինչպիսիք են Manish Malhotra-ն և Sabyasachi-ն։

Իր ողջ կարիերայի ընթացքում Քեմփբելը հայտնվել է Vogue-ի ավելի քան 60 շապիկների վրա։ 1988 թվականին՝ 18 տարեկանում, նա դարձավ առաջին սևամորթ մոդելը, ով հայտնվեց ֆրանսիական Vogue-ի շապիկին։