Կինն ընթրիքի համար սառեցված ձուկ է գնել ու պարզել, որ այն ողջ է
ԱյլՄեծ Բրիտանիայի Չելթնեմ քաղաքի բնակչուհին ընթրիքի համար սառեցված ձուկ է գնել և ցնցվել՝ տեսնելով, որ այն դեռ կենդանի է, թեև սառեցված է եղել և երկու օր անցկացրել սառույցի մեջ։ Այս մասին հայտնում է Daily Star-ը։
Սինդի Լաոն կարաս է գնել Լոնդոնում գտնվող ձկնաբուծարանից։ Նա պատրաստվում էր ընթրիքին ձուկ պատրաստել և դնել սառնարանը։ Երբ բրիտանուհին հանել է կարասը, նրան թվացել է, թե ձկան խռիկները շարժվում են։ Կինը զանգահարել է ամուսնուն՝ Փոլ Լյուիս-Բորմանին։ «Նա զանգահարեց ինձ և հարցրեց, թե ինչ եմ մտածում դրա մասին: Խռիկները հաստատ շարժվում էին», - ասել է տղամարդը:
Փոլը կասկածում էր, թե արդյոք պետք է սպանել ձկանը, սակայն Սինդին դեմ էր դրան։ «Հրաշք է, որ այն դեռ ողջ էր»,- ասել է նա։ Զույգն արագ կերպով լցրել է լոգարանը՝ ձկանն այնտեղ պահելու համար։ Սինդին և Փոլը ձկանն անվանել են Ղազարոս՝ այն մարդու անունով, որը Հիսուսը հարություն տվեց իր մահից չորս օր անց: Ձուկը մի քանի օր հետո լիովին ապաքինվել է կատարվածից։ Զույգը սիրել է ձկանն ու որոշել դրան որդեգրել որպես ընտանի կենդանի։
«Մենք այն պահելու տեղ չունենք, բացի լոգարանից, բայց բարեբախտաբար ևս մեկ լոգասենյակ ունենք: Իհարկե, այն չէր կարող այնտեղ մնալ, և մենք ամեն անգամ վախենում էինք, երբ ստիպված էինք լինում գնալ զուգարան», - ասել է Փոլը: Տղամարդը կապ է հաստատել ընտանի կենդանիների մասին ֆորումի մասնակիցների հետ, և կարասը նոր տուն է գտել: Ղազարոսին տարել է մի կին, ով բավական մեծ լճակ ունի ձուկ պահելու համար։
«Նա շատ բանի միջով է անցել։ Նա պառկել է սատկած ձկների մեջ և քիչ էր մնում ընթրիք դառնա։ Մենք ուրախ ենք, որ հիմա նա լավ տուն ունի։ Կինն ասել է, որ այժմ նա ընկեր ունի՝ ևս մեկ ձուկ, որի հետ նրանք ուրախ լողում են իրենց նոր լճակում », - ասել է բրիտանացին: