Մահացած համարվող կնոջը 30 տարի անց գտել են Պուերտո Ռիկոյում

Ամերիկուհուն, ով պաշտոնապես մահացած էր հայտարարվել ավելի քան 30 տարի առաջ անհետանալուց հետո, ողջ վիճակում գտել են Պուերտո Ռիկոյում, հայտնում է Sky News-ը։

Պատրիսիա Կոպտային, որն այժմ 83 տարեկան է, վերջին անգամ տեսել էին Փենսիլվանիայի Փիթսբուրգ քաղաքում 1992 թվականին, երբ քննիչները սկսեցին հետաքննել նրա անհետացումը: Նա հայտնի էր որպես փողոցային «էքսցենտրիկ» քարոզչուհի։

Դեմենցիայով տառապող կնոջը գտել են Պուերտո Ռիկոյի ծերանոցում։ Ամերիկացի հոգեբույժները մինչ անհետանալը նրա մոտ մեգալոմանիա էին ախտորոշել և ասել, որ նա շիզոֆրենիայի նշաններ ունի։ Ոստիկանությունը կարծում է, որ Կոպտան փախել է երկրից, քանի որ «մտահոգված էր, որ իրեն կտեղավորեն բուժհաստատությունում»։