Գիտնականները նշել են վաղաժամ սերմնաժայթքման դեմ պայքարի արդյունավետ մեթոդներ

Anglia Ruskin համալսարանի գիտնականները պարզել են, որ յոգան և վազքը օգնում են տղամարդկանց վաղաժամ սերմնաժայթքման դեմ պայքարում։ Այս մասին հայտնում է DailyMail պորտալը։

Գիտնականները վերլուծել են 54 հետազոտություն, որոնցում ուսումնասիրված է վաղաժամ սերմնաժայթքման խնդիրը և դրա լուծման մեթոդները: Վերանայման արդյունքներում հեղինակները թվարկել են խնդրի լուծման արդյունավետ ոչ դեղաբանական մեթոդները:

Այն տղամարդկանց համար, ովքեր շաբաթական հինգ օր վազում էին օրական 30 րոպե, սեքսի միջին տեւողությունը 40 վայրկյանից ավելացել էր մինչև երեք րոպեից ավելի: Նստակյաց կյանքով ապրող տղամարդիկ օրգազմի էին հասել 50 վայրկյան հետո։

Նույն ազդեցությունն են ունեցել յոգայի դասերը։ Յոգայով զբաղվող տղամարդկանց համար սեռական հարաբերության ժամանակը ավելի քան եռապատկվել է՝ 26 վայրկյանից դառնալով մինչև մեկուկես րոպե:

Բացի այդ, կոնքի հատակի մկաններն ամրացնելու վարժությունները, ինչպես նաև սեքսը դադարեցնելու տեխնիկան օգնում են երկարացնել սեռական ակտը։ 

Գիտնականների կարծիքով՝ այս մեթոդները նույնքան արդյունավետ են գործում, որքան դեղամիջոցները։