Երևանում բախվել են BMW-ն ու Volkswagen Golf-ը. BMW-ն էլ բախվել է երկաթե էլեկտրասյանը. երկու էլեկտրասյուն կոտրվել է

Այսօր՝ մարտի 8-ին, ավտովթար է տեղի ունեցել Երևանում:

shamshyan.com-ի հաղորդմամբ ժամը 10:20-ի սահմաններում Նորք-Մարաշ փողոցի 1-ին նրբանցքում բախվել են BMW և Volkswagen Golf մակնիշի ավտոմեքենաները:

Վթարի հետևանքով ըստ նախնական տեղեկությունների, բարեբախտաբար, տուժածներ չկան, սակայն BMW-ն էլ բախվել է երկաթե էլեկտրասյանը, ինչի հետևանքով երկու էլեկտրասյուներ կոտրվել են, բարեբախտաբար, չեն ընկել, քանի որ էլեկտրալարերը պահել են սյուները:

Գ. Շամշյանի տեղեկություններով BMW -ն վարել է 28-ամյա Արթուր Խաչատրյանը, իսկ Volkswagen Golf-ը՝ 29-ամյա Էդգար Գրիգորյանը:

Վարորդները ենթարկվել են սթափության փորձաքննության՝ եղել են սթափ:

Օպերատիվորեն ժամանել են նաև Նորք-Մարաշ վարչական շրջանի ղեկավարի աշխատակազմի և «Երքաղլույս»-ի ներկայացուցիչները: