Կարա Դելևինը հայտարարել է, որ կախվածությունից բուժման կուրս է անցնում

Սուպերմոդել Կարա Դելևինն ավելի քան չորս ամիս է, ինչ անցնում է կախվածությունից բուժման12 քայլից բաղկացած ծրագիր: Այս մասին նա խոսել է Vogue ամսագրին տված հարցազրույցում, որը կհրապարակվի ապրիլյան համարում։

Ինչպես խոստովանել է մոդելը, իրեն սթափ ապրելակերպի են մղել անցյալ տարվա սեպտեմբերին հրապարակված՝ պապարացիների կադրերը, որտեղ իրեն ոչ այնքան ադեկվատ է պահում Լոս Անջելեսի օդանավակայանում։ Խոսելով այդ դրվագի մասին՝ Կարա Դելևինը պատմել է, որ այդ ժամանակ նոր էր վերադարձել Burning Man փառատոնից։

«Ես չէի քնել։ Ես վատ վիճակում էի»,- խոստովանել է մոդելը՝ հավելելով, որ ստիպված է եղել թռչել գործուղման։

Նա խոստովանել է, որ սխալ է գնահատել իրավիճակը։

«Դա սրտաճմլիկ էր, քանի որ մտածում էի, թե զվարճանում եմ, իսկ հետո մտածեցի. «Այսպես, ես վատ տեսք ունեմ»: Գիտե՞ք, երբեմն անհրաժեշտ է վերադարձ իրականություն, ուստի ինչ-որ իմաստով շնորհակալ եմ այս նկարահանումների համար, շնորհակալություն հայտնելու բան կա»,- ասել է Կարա Դելևինը։

Մոդելը նշել է, որ ընտանիքի անդամները մի քանի անգամ ուշադրություն են հրավիրել այն փաստի վրա, որ իր ապրելակերպը կործանարար է իր համար, սակայն ինքը պատրաստ չէր փոխվել, քանի դեռ չէր տեսել պապարացիների լուսանկարները Լոս Անջելեսի օդանավակայանից։

«Այդ պահին ես պատրաստ էի»,- ասել է նա։

Կարա Դելևինը խոստովանել է, որ անցյալ տարվա վերջին գնացել է վերականգնողական կենտրոն և այժմ հետևում է 12 քայլից բաղկացած ծրագրին՝ ազատվելու իր կախվածությունից:

«Մինչ այդ միշտ դիմում էի արագ բուժումների, գնում էի տրավմայի հետ աշխատանքի շաբաթական ծրագրերի կամ կուրսերի, դա կարճ ժամանակով օգնում էր, բայց երբեք չէր հասնում խորը էֆեկտի։ Հիմա հասկանում եմ, որ 12 քայլանոց ծրագիրը լավագույնն է, և ես ոչ մի բանից չեմ ամաչում»,- ասել է մոդելը։