ՌԴ բնակչուհին մեկ միլիոն ռուբլի է տվել դիզայներին՝ ՀՀ քաղաքացիություն ստանալու համար. «Գազետա․ռու»

ՑՈւՄ-ի (Կենտրոնական հանրախանութ) գործադիր տնօրենը մեկ միլիոն ռուբլի է տվել դիզայներին՝ Հայաստանի քաղաքացիություն ստանալու համար։ Երբ կինը ստացել է ամբողջ գումարը, նա անհետացել է, հայտնում է Gazeta․ru-ն՝ «Осторожно, новости» Telegram-յան ալիքին հղումով։

«2022 թվականի գարնանը ՑՈւՄ-ի գործադիր տնօրեն Յուլիա Նիկիտինան որոշել է բիզնես բացել այլ երկրում և դիմել է Հայաստանի քաղաքացիություն ստանալու համար։ Ընկերները նրան խորհուրդ են տվել կապ հաստատել հայ դիզայներ Վարդուհի Նազարյանի հետ, ով իբր օգնում է հավաքել անհրաժեշտ փաստաթղթերը։

Անձնական հանդիպման ժամանակ Նազարյանը Նիկիտինային ասել է, որ քաղաքացիության գրանցումը տեւում է մի քանի ամիս։ Դա անելու համար նրան անհրաժեշտ է կանխիկ փոխանցել ավելի քան մեկ միլիոն ռուբլի: Մի քանի ամսվա ընթացքում տուժողը անհրաժեշտ գումարը փոխանցել է դիզայների ընկերներին և ընտանիքին։ Դրանից հետո Նազարյանը դադարել է կապի դուրս գալ։

Նիկիտինան կասկածել է, որ խարդախության զոհ է դարձել, ուստի խնդրել է վերադարձնել գումարը։ Սակայն նրան տվել են ընդամենը 250 հազար ռուբլի։ Այնուհետեւ տուժողը դիմել է ոստիկանություն։ Իրավապահները պարզում են դեպքի բոլոր հանգամանքներն ու պատճառները»,- ասվում է նյութում։