Սելենա Գոմեսը խոստովանել է, որ լաց է եղել ավելորդ քաշի վերաբերյալ քննադատության պատճառով
Ժամանց
Երգչուհի և դերասանուհի Սելենա Գոմեսը պատմել է, որ լացել է իր կազմվածքի վերաբերյալ քննադատության պատճառով, որը փոխվել է գայլախտի բուժման ընթացքում։ Apple TV+ The Letter վավերագրական սերիալի եթերում հայտնին ասել է, որ խաբում է ուրիշներին՝ ասելով, որ դա իրեն չի անհանգստացնում։
«Ես ստում էի։ Նոր լուսանկարներ էի հրապարակում ու ասում. «Չեմ պատրաստվում քննադատությանը լուրջ վերաբերվել»։ Ասում էի, որ դա ինձ չի անհանգստացնում: Որովհետև շատ էի ուզում, որ մեկ ուրիշը կարողանար ավելի հանգիստ վերաբերվել նման մեկնաբանություններին», - կիսվել է Գոմեսը:
Նա խոստովանել է, որ հաճախ է լաց լինում իր քաշի ավելացման մասին բացասական մեկնաբանությունների պատճառով։ Երգչուհին նշել է, որ ոչ ոք արժանի չէ նման վերաբերմունքի։
«Իմ քաշը անընդհատ տատանվում էր, քանի որ որոշակի դեղամիջոցներ էի ընդունում։ Եվ ակնհայտորեն մարդիկ պարզապես օգտվեցին դրանից։ Կարծես նրանք անհամբեր ուզում էին գտնել մի բան, որը կարող էր կոտրել ինձ: Ես ամաչում էի գայլախտի պատճառով գիրանալու համար»։
Ամենադիտված 
Մնաս բարյավ. Րաֆֆի Հովհաննիսյան
