Ավրիլ Լավինի համերգի ժամանակ մերկ կինը բեմ է վազել՝ ի նշան բողոքի

Ակտիվիստը ի նշան բողոքի ընդհատել է կանադացի երգչուհի Ավրիլ Լավինի համերգը և տեսագրվել։ Համապատասխան տեսանյութը հրապարակել է BBC-ն։

Հայտնի է, որ կատարողը ելույթ է ունեցել Տորոնտոյում Juno Awards մրցանակաբաշխության ժամանակ, երբ բեմ է վազել վառ վարդագույն տաբատով մի անհայտ կին, ով հանել է վերնաշապիկը և սկսել մերկ կրծքերով շրջել բեմում։ Միևնույն ժամանակ կնոջ մարմնի վրա սև մարկերով գրված էին Save the Green Belt և Land Back արտահայտությունները, իսկ մերկ կուրծքը ծածկված էր կպչուն ժապավենով։

Տեղադրված կադրերում երեւում է, թե ինչպես է երգչուհին վռնդում ցուցարարին «Գնա գրողի ծոցը, անառակ» բառերով։ Այնուհետև նա լքում է բեմը՝ պահակների ուղեկցությամբ։ Հայտնի է, որ ակտիվիստը դեմ է արտահայտվել Օնտարիոյի վարչապետ Դագ Ֆորդի՝ պահպանվող կանաչ տարածք ճանաչված հողատարածքի վրա տներ կառուցելու ծրագրին։