Տղամարդը հետաքրքրությունից դրդված փայտով դիպել է վագրին և շուտով մահացել

Հնդկաստանի բնակիչը հետաքրքրությունից դրդված փայտով դիպել է վագրին և վնասվածք ստացել, որի հետևանքով մահացել է հիվանդանոցում։ Այս մասին հայտնում է The Times of India-ն։

Մարտի 9-ին Մադհյա Պրադեշի գյուղերից մեկի մոտ վագր է հայտնվել։ Տեղի բնակիչները փորձել են շրջապատել կենդանուն, սակայն վագրը հարձակվել է տղամարդկանցից մեկի վրա ու փախել։ Նա վազել է մոտ 10 կիլոմետր ու թաքնվել փոքրիկ դաշտում։

Շուտով մի քանի տղամարդ բռնել են գիշատիչին՝ հետապնդելով նրան մի քանի ժամ։ Նրանցից մեկը՝ 35-ամյա Սանտոշը, մոտեցել է խոտերի մեջ հանգստացող վայրի կատվին և փայտով դիպել նրա պոչին։ Հնդիկ տղամարդն ասել է, որ «ցանկանում է տեսնել, թե ինչպես կարձագանքի վագրը»: Գազանը վեր է թռել և թաթով հարվածել Սանտոշի կոկորդին։

Ընկերներն անմիջապես տղամարդուն տեղափոխել են հիվանդանոց, որտեղ նա շտապ օգնություն է ստացել։ Հնդիկը գիտակցության մեջ է եղել և նույնիսկ ընկերներին ասել է, որ իրեն լավ է զգում, և որ վագրը հարձակվել է իր վրա, քանի որ «ոստիկանները հետապնդում էին նրան դաշտի մյուս կողմից»։

Սակայն որոշ ժամանակ անց Սանտոշի վիճակը կտրուկ վատացել է, և նա շուտով մահացել է։ Անտառային տնտեսության վարչության ներկայացուցիչները հայտնել են, որ մահացածի ընտանիքին կվճարվի փոխհատուցում 800 հազար ռուփիի չափով։

Վագրին հաջողվել է թաքնվել անտառում։ Ավելի ուշ որսորդները գտել են նրա ոտնահետքերը, որոնք վկայում են այն մասին, որ նա շարժվում է դեպի Յավալի արգելոց, որտեղից էլ, ըստ ամենայնի, հայտնվել է։ Տեղի բնակիչներին խորհուրդ է տրվել չմտնել անտառ, քանի դեռ կենդանու գտնվելու վայրի հետ կապված իրավիճակը ամբողջությամբ չի պարզվել։

Այս թեմայով Երևանի կենդանաբանական այգին ներկայացրել է ամուրյան վագր Շակային (լուսանկարներ) Վագրը հարձակվել է հարբած ընկերների վրա և նրանցից մեկին քարշ տվել անտառ Փորձի ժամանակ վագրը հարվածել է Էդգարդ Զապաշնիին․ վերջինս հոսպիտալացվել է (տեսանյութ) Վագրը տատիկի աչքի առաջ առևանգել է իննամյա աղջկան և կտոր-կտոր արել Տղամարդը զուգարան գնալիս դարձել է վագրի զոհ