Քայլի Ջեների նախկին ընկերը Ավրիլ Լավինին 80 000 դոլար արժողությամբ ադամանդե շղթա է նվիրել

Երգչուհի Ավրիլ Լավինը ռեփեր Tyga-ից նվեր է ստացել 80 հազար դոլար արժողությամբ անհատական ադամանդե շղթա։ Այս մասին հայտնում է TMZ-ը։

Օրեր առաջ Ավրիլ Լավինին նկատել են ռեփեր Tyga-ի հետ՝ ձեռք ձեռքի տված։ Երգչուհին կրում էր ֆիրմային շղթա, որը, ինչպես պարզել է TMZ-ը, նրան նվիրել է ոչ այլ ոք, քան Քայլի Ջեների նախկին ընկերը։ Նյույորքցի ոսկերիչ Էրիկ Մավանին լրագրողներին ասել է, որ վզնոցը՝ սպիտակ և սև ադամանդներով, 50 կարատ վարդագույն շափյուղաներով, պատրաստված է եղել պատվերով և արժե 80 հազար դոլար։

Ավրիլ Լավինը բաժանվել է Mod Sun-ից փետրվարին՝ նշանադրությունից 10 ամիս անց: Մարտին երգչուհին Tyga-ի հետ սիրավեպի մասին խոսակցությունների տեղիք տվեց: Զույգը, ով մինչ այդ ուշադրության կենտրոնում էր հայտնվել ժամադրության ժամանակ, Փարիզի Նորաձևության շաբաթվա շրջանակներում ներկայացել է Mugler -ի երեկույթին և համբուրվել հյուրերի առջև։