Մոսկվայում ուժեղացված անվտանգության միջոցառումներ են ձեռնարկվում

Ինչպես հաղորդում են ռուսական մի շարք լրատվամիջոցներ, Մոսկվայում և Ռուսաստանի տարբեր շրջաններում ընդդիմության կողմից կազմակերպված պետդումայի ընտրությունների արդյունքների դեմ բողոքի ցույցերի պատճառով Մոսկվայում` մասնավորապես Սախարովի պողոտայում, ուժեղացված անվտանգության միջոցառումներ են անցկացվում:

Սախարովի պողոտան և հարակից փողոցների երթևեկությունն ամբողջովին դադարեցվել է: Ոստիկանական ուժերը փակել են տարածքի բոլոր ճանապարհները: Ըստ "Газета.ru"-ի Սախարովի պողոտա են եկել ոստիկանության հատուկ ջոկատայիններով «լեցուն» 40 ավտոբուսներ: