Ալ Պաչինոն փոխել է իր միտքը երիտասարդ սիրեցյալից բաժանվելու հարցում

Դերասան Ալ Պաչինոն մտափոխվել է իր երիտասարդ սիրեցյալ Նուր Ալֆալլայից բաժանվելու հարցում։ Այս մասին հայտնում է Page Six-ը՝ Պաչինոյի ներկայացուցչին հղումով։

Ըստ ինսայդերի՝ 83-ամյա արտիստը և հարուստ ընտանիքի 29-ամյա ժառանգորդը հարթել են իրենց տարաձայնությունները։

«Ալն ու Նուրը հաջողությամբ զրուցել և համաձայնության են եկել իրենց որդու՝ Ռոմանի հետ կապված: Նրանք դեռ միասին են»,- ասել է ներկայացուցիչը:

Լրատվամիջոցները սեպտեմբերի 7-ին հայտնել էին, որ Ալ Պաչինոն և Նուր Ալֆալլահը բաժանվել են որդու ծնվելուց երեք ամիս անց։