Իրանի ԱԳՆ խոսնակը հայտարարել է, թե «Լեռնային Ղարաբաղը Ադրբեջանի մաս է»
Արտաքին Քաղաքական
Իրանը լրջորեն հետևում է իրադարձությունների զարգացմանը։ Մենք երաշխավորում ենք, որ Իրանի սահմաններն անվտանգ են և աջակցում ենք սահմանների անվտանգությանը»,- երկուշաբթի օրը կայացած մամուլի ասուլիսում ասել է Իրանի ԱԳՆ խոսնակՆասեր Քանանին, գրում է Tasnim-ը։
Նա նշել է, որ Իրանը անփոփոխ և թափանցիկ դիրքորոշում ունի Լեռնային Ղարաբաղում իրավիճակի վերաբերյալ։
«Իրանի դիրքորոշումը Լեռնային Ղարաբաղի հարցում, որը մի քանի անգամ հստակորեն հայտարարվել է, գաղտնի չէ։ Լեռնային Ղարաբաղը Ադրբեջանի մաս է, և նրա բնակիչների իրավունքներն ու անվտանգությունը պետք է սահմանվեն որոշակի շրջանակներում»,- հայտարարել է Քանանին։
Կրկնելով պետությունների տարածքային ամբողջականությունը հարգելու և լարվածությունից խուսափելու Իրանի կոչը՝ Քանանին ասել է, որ Հայաստանի և Ադրբեջանի Հանրապետության միջև վեճերի լուծման և խաղաղության ու անվտանգության հասնելու համար կարևոր քայլ է երկու երկրների կողմից միմյանց տարածքային ամբողջականության ճանաչումը։
Նա հավելել է, որ Իրանը և Ադրբեջանը «շատ լավ» հարաբերություններ ունեն։
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
