Ի՞նչ պետք է իմանալ երեխաներ առանց ուղեկցողի ծառայության մասին. «Զվարթնոց» օդանավակայանի հայտարարությունը

Երևանի «Զվարթնոց» միջազգային օդանավակայանը հայտարարությամբ է հանդես եկել այն մասին, թե ինչ պետք է իմանալ UNMR (երեխաներ առանց ուղեկցողի) ծառայության մասին․

«Այս հատուկ ծառայությունն այն երեխաների համար է, ովքեր ճանապարհորդում են առանց մեծահասակի ուղեկցության: Այն սահմանվում է 5-18 տարեկան անչափահասների համար: Տվյալ դեպքում՝

Երեխայի ծնողը կամ լիազորված անձը կատարում է ծառայության ամրագրում թռիչքից առաջ կամ հաշվառման ժամանակ (կախված ավիաընկերությունից), ներկայացնում է անհրաժեշտ փաստաթղթերը, լրացնում է ձևաթուղթը և հաստատում, որ մեկ այլ լիազորված անձ անչափահասին կդիմավորի ժամանման օդանավակայանում։

Ծնողը/խնամակալը երեխային ուղեկցում է մինչև նստեցման սկիզբը և պետք է գտնվի օդանավակայանում մինչև թռիչքը։

Օդանավակայանի աշխատակիցն անչափահասին ուղեկցում է մինչև օդանավ և օգնում մեկնելիս/ժամանելիս անցնել բոլոր անհրաժեշտ գործընթացները (անձնագրային ստուգում, ուղեբեռի հանձնում/ստացում)»։