ՀՀ-ն ներգրավված չէ ռազմական գործողություններում, դիվանագիտական լուծում է պետք․ ՀՀ ԱԳՆ-ն՝ Զախարովային

ՀՀ ԱԳՆ-ն հրապարակել է ՌԴ ԱԳՆ պաշտոնական ներկայացուցչի հայտարարության վերաբերյալ ՀՀ արտաքին գլխավոր գերատեսչական մարմին դիրքորոշումը․

«ՀՀ ԱԳՆ խոսնակի մեկնաբանությունը. Ի պատասխան ՌԴ ԱԳՆ պաշտոնական ներկայացուցչի՝ Հայաստանին և Ադրբեջանին ուղղված՝ «ռազմական գործողությունները դադարեցնելու և դիվանագիտական կարգավորման վերադառնալու կոչի»՝ հայտնում ենք, որ Հայաստանի Հանրապետության ԶՈՒ-ը ներգրավված չէ ռազմական գործողություններում: ՀՀ-ն մշտապես հավատարիմ է եղել առկա բոլոր հարցերի բացառապես քաղաքական և դիվանագիտական ճանապարհով լուծմանը՝ համապատասխան առաջարկներով:»։