Աղջիկը որոշել է կատու դառնալ և արդեն սկսել է կերպարանափոխությունը (լուսանկարներ)

Իտալիայից մի աղջիկ որոշել է իրեն վերածել մարդանման կատվի և արդեն սկսել է կերպարանափոխությունը։ Այս մասին գրում է The New York Post-ը։

22-ամյա իտալուհի Կիարա Դել Աբատեն ավելի քան 20 փոփոխություն է կատարել իր մարմնի վրա՝ կատվի նմանվելու համար։ Աբատեն ակտիվորեն տեսանյութեր է հրապարակում TikTok սոցիալական ցանցում, որտեղ նրա կերպարանափոխության մասին տեսանյութերը միլիոնավոր դիտումներ են հավաքում։

Աղջկա խոսքով՝ իրեն կատու դառնալու համար ոգեշնչել են երկրպագուներն ու բաժանորդները, ովքեր իրեն ասել են, որ նման է այդ կենդանուն։ «Կարծում եմ, որ կատու–կինը ճիշտ կերպարանափոխություն է ինձ համար, քանի որ ես երբեք չեմ ցանկացել մուլտֆիլմային տեսք ունենալ: Ես միշտ սիրել եմ կատուներին, և կարծում եմ, որ ճիշտ փոփոխություններով կարող եմ զիլ ու համարձակ տեսք ունենալ»,- ասել է Աբատեն լրագրողներին։

Ապագայում Աբատեն նախատեսում է կտրել իր վերին շրթունքը, ձևափոխել ատամները և վիրահատել աչքերը՝ դրանց ավելի «կատվային» ձև հաղորդելու համար։ Բացի այդ, աղջիկը պոչ–իմպլանտ է ունենալու և բազմաթիվ նոր դաջվածքներ՝ մորթու իմիտացիայի համար։

Աբատեն նշել է, որ սկսել է փոփոխություններ կատարել իր արտաքինում դեռ 11 տարեկանից։