Ֆուտբոլիստը կորցրել է գիտակցությունը խաղի ժամանակ (տեսանյութ)

Անգլիայի Պրեմիեր լիգայի 17-րդ տուրի «Բորնմութի» դեմ խաղում «Լյութոն Թաունի» պաշտպան Թոմ Լոքերը կորցրել է գիտակցությունը։ Այս մասին հայտնում է BBC-ն։

Աղբյուրի փոխանցմամբ՝ միջադեպը տեղի է ունեցել երկրորդ խաղակեսում, երբ հաշիվը 1:1 էր: Հանդիպումը դադարեցվել է, իսկ խաղացողին բուժօգնություն է ցուցաբերվել։ Նա պատգարակով լքել է խաղադաշտը երկրպագուների ծափերի ներքո։ Նշվում է, որ Լոքերն արդեն ուշքի է եկել, եւ որոշվել է չեղարկել հանդիպումը։

Լոքերը հանդես է գալիս «Լյութոնում» 2020 թվականից և սա արդեն երկրորդ անգամն է, որ կորցնում է գիտակցությունը խաղի ժամանակ։ Մայիսին պաշտպանի մոտ ախտորոշվել էր նախասրտերի ֆիբրիլյացիա, նա վիրահատվել է և վերսկսել իր խաղային կարիերան։