Մենք հարգում ենք եկեղեցու դիրքորոշումը, բայց համակարծիք չենք. կրթության կազմակերպումը պետության գործն է. ԿԳՄՍ նախարար
Քաղաքական
Ես որևէ դիրքորոշում և կարծիք երբևէ չեմ արտահայտում եկեղեցու մասին, որովհետև, առաջին հերթին, կարծում եմ, որ բոլորովին դրա անհրաժեշտությունը չկա: Այս մասին այսօր՝ դեկտեմբերի 27-ին, տարեվերջյան մամուլի ասուլիսում նշեց ԿԳՄՍ նախարար Ժաննա Անդրեասյանը՝ անդրադառնալով նրան, որ Հայ եկեղեցին դեմ է արտահայտվել «Հայոց պատմություն» 7-րդ դասարանի դասագրքին եւ կոչ է արել հետ կանչել այն դպրոցներից:
«Եկեղեցին ունի իր դիրքորոշումը, դա նոր չէ: Ես բազմիցս նախարարության դիրքրոշումը հայտնել եմ, մենք հարգում ենք եկեղեցու դիրքորոշումը, բայց համակարծիք չենք ու համամիտ չենք, կրթության կազմակերպումը պետության գործն է:
Պետությունը հաշվի է առնում մասնագիտական կարծիքները և կազմակերպում մանկավարժական այն մոտեցմամբ, որը տալիս է արդյունք, մնացյալ ամենը, իհարկե լսվում է հաշվի առնվում, բայց բոլորովին պարտադիր չի, որ դա ազդի պետական քաղաքականության վրա:
Եկեղեցին գրավոր նամակ է ուղարկել, գրավոր նամակը ինչպես մյուս բոլոր դիտարկումները, որոնք պիտի արտացոլվեն իմ նշած փաստաթղթում, կլինեն այդտեղ, իհարկե»,- ասել է Ժաննա Անդրեասյանը:
Նա ընդգծեց, որ դասագրքերի վերաբերյալ մասնագետները կտան կարծիք, որը կլինի ճիշտ, որն էլ կներառվի դասագրքում:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
