Առողջ կենսակերպի լավագույն իրազեկումը սեփական օրինակն է. Արտակ Ջումայանը պատվոգրեր է հանձնել

Առողջ ապրելակերպի արշավներին ակտիվ մասնակցելու և աջակցելու համար ՀՀ առողջապահության նախարարությունը շնորհակալագրեր ու պատվոգրեր է հանձնել տեղի և միջազգային գործընկերներին:

 

ԱՆ-ից հայտնում են, որ Երևանում և մարզերում առողջապահության նախարարության առողջ ապրելակերպի իրազեկման արշավներն ուղղված էին հիվանդությունների կանխարգելմանը, առողջ սովորությունների ձևավորմանը, հոգեկան առողջության պահպանմանը:

 

Հանձնելով շնորհակալագրեր` առողջապահության նախարարի տեղակալ Արտակ Ջումայանը նշել է, որ առողջ կենսակերպի լավագույն իրազեկումը սեփական օրինակն է:

 

Մասնագետներն ընդգծել են հաջորդ տարի ևս առողջ ապրելակերպի վերաբերյալ թիրախային իրազեկման կարևորությունը։