«Ուզում եմ ժողովրդից երկրորդ շանս խնդրել». Իվլեևան արտասվել է տեսախցիկի առջև

Հեռուստահաղորդավարուհի և բլոգեր Նաստյա Իվլեևան, ով ակումբում «մերկ» երեկույթ էր կազմակերպել, Instagram-ում երկու տեսաուղերձ է հրապարակել՝ ներողություն խնդրելով այդ միջոցառման համար։ 

Այդ տեսանյութերում Իվլեևան խոսել է իր կարիերայի, հանդիսատեսի հետ կապը կորցնելու մասին և հիշել 2018 թվականը, երբ բաժանորդներն իրեն անվանեցին «Նաստյուշկա վտանգ»։ Նա նաև նշել է, որ եթե երեկույթն անցկացվեր փակ ձևաչափով, ապա դա կլիներ «բոլորովին այլ խոսակցություն»։

«Սա ներողություն խնդրելու տեսանյութ չէ այն հույսով, որ միգուցե այն կաշխատի: Ավելի շուտ, սա անկեղծության ճիչ է, որը ոչ մեկի հետ համաձայնեցված չէր։ Իսկ ինձ համար հիմա սա շատ կարեւոր է եւ անհրաժեշտ։ Մենք երբեք այս ձեւաչափով չենք շփվել, բայց վստահ եմ, որ այս պահին սա հաղորդակցության միակ միջոցն է եւ տեղի ունեցողի վերաբերյալ որոշ մեկնաբանություններով կիսվելու հնարավորություն»,-ասել է նա։

Ռուս բլոգերը նաեւ դիմել է երեկույթի հյուրերին. «Խորին ներողություն եմ խնդրում արտիստներից։ Ինձ ցավ է պատճառում գիտակցել, որ բոլորն ընկել են նույն փորձանքի մեջ, տեղի են ունենում չեղարկումներ, եւ շատ դժվար է զգալ, որ դու ես այն մարդը, ով պատասխանատու է այս ամենի համար: Եվ ես ամենից քիչն ուզում եմ անել կեղծ գործողություններ՝ հանրության աչքին պարկեշտ երեւալու համար»,-ասել է Նաստյան։