Ավստրալիայի լողափերում հայտնաբերվել է ավելի քան 120 կիլոգրամ թմրանյութ

Ավստրալիայում տեղի բնակիչները կոկաինի մեծ փաթեթներ են հայտնաբերել մի քանի լողափերում, հայտնում է News.com.au-ն։

Միջադեպը տեղի է ունեցել Նոր Հարավային Ուելսում։ Երեկոյան ժամը ութին մոտ տեղի բնակիչներից մեկը ավազի վրա կասկածելի իր է հայտնաբերել։ Դեպքի վայր ժամանած ոստիկանները պարզել են, որ հայտնաբերված մեծ փաթեթում եղել է 39 փաթեթ թմրանյութ՝ յուրաքանչյուրը մեկ կիլոգրամ կշռող։

Դրանից հետո մեկ այլ ավստրալացի հայտնել է ևս 39 փաթեթի մասին, որը հայտնաբերվել է Սիդնեյի հյուսիսային լողափերի մոտ: Եվս մի քանի փաթեթներ են հայտնաբերվել այլ վայրերում:

Ընդհանուր առմամբ հայտնաբերվել է 124 կիլոգրամ կոկաին։ Բոլոր փաթեթներն ուղարկվել են փորձաքննության։