L'Oreal-ի ժառանգորդուհին դարձել է 100 միլիարդ դոլար կարողություն ունեցող առաջին կինը

L'Oréal կոսմետիկայի բրենդի ժառանգորդուհի Ֆրանսուազ Բետանկուր-Մեյերսը դարձել է առաջին կինը, ով 100 միլիարդ դոլար կարողություն ունի: Այս մասին հաղորդում է Bloomberg-ը։

Բետանկուր-Մեյերսի կարողությունը գնահատվում է 100,2 միլիարդ դոլար։ 2023 թվականի դեկտեմբերի 28-ին այն հասել է ռեկորդային չափի՝ L’Oréal-ի բաժնետոմսերի բարձր գների պատճառով:

Ֆրանսուազը L'Oréal-ի խորհրդում է 1997 թվականից։ Նա ընկերության հիմնադիր Յուջին Շուլլերի միակ թոռնուհին է և Լիլիան Բետանկուրի միակ դուստրը։ Բետանկուր-Մեյերսն ունի երկու որդի, և նրան է պատկանում L'Oréal-ի բիզնեսի 33%-ը։

Բետանկուր-Մեյերսը մեկ անգամ չէ, որ ճանաչվել է աշխարհի ամենահարուստ կինը։ Նա գլխավորել է Forbes-ի վարկանշային աղյուսակը 2019, 2021, 2022 և 2023 թվականներին: Նրա մայրը նույնպես բազմիցս ընդգրկվել է այս աղյուսակում։ Նա 14 տարի անընդմեջ համարվում էր աշխարհի ամենահարուստ կինը։