Երեք ամուսին ունեցող հնդկուհին բռնվել է չորրորդի հետ ամուսնությունից հետո

Հնդկաստանում երեք ամուսին ունեցող երիտասարդ կինը բռնվել է չորրորդի հետ հարսանիքից հետո, հայտնում է News9Live-ը։

Դեկտեմբերի 21-ին Կարնատակա նահանգի Դավանգերե քաղաքի բնակիչը՝ Պրաշանթ անունով, ոստիկանություն հաղորդում է ներկայացրել իր կնոջ՝ Սնեհիի անհետանալու վերաբերյալ։ Տղամարդը պատմել է, որ երեք ամիս առաջ կինը եկել է իր ծնողների տուն, հայտարարել, որ հղի է, իսկ դրանից հետո դադարել է իր հետ կապի դուրս գալ։

Դրանից հետո մի քանի օր անց Պրաշանթը սոցիալական ցանցերում գտել է կնոջ հարսանեկան վերջին լուսանկարները։ Պարզվել է, որ նա նորից ամուսնացել է Բանգալորից Ռագու անունով մեկի հետ։ Շուտով Սնեհիի հարազատներից մեկն ասել է, որ նա նախկինում երկու անգամ ամուսնացած է եղել։ Ենթադրվում է, որ հնդկուհու ամուսինները, որոնց ներկայացել է որպես Նիրմալա, չեն իմացել միմյանց մասին:

«Կինս եկավ ծնողներիս մոտ և ասաց, որ հղի է։ Նա ընդհատել է հղիությունը և ամուսնացել մեկ այլ տղամարդու հետ՝ առանց ինձ տեղյակ պահելու։ Դա իսկապես ցավեցնող է, քանի որ մենք միասին ենք եղել մեկուկես տարի: Նրա նոր ամուսնության մասին իմացա սոցցանցերից»,- ասել է Պրաշանթը։

Հաղորդվում է, որ հնդկուհու նկատմամբ գործ է հարուցվել՝ ամուսնական դավաճանության մեղադրանքով։ Պրաշանթը հույս ունի, որ նա այլևս չի կարողանա խաբել տղամարդկանց։