2024 թվականի առաջին օրը երկրագնդի բնակչությունը կգերազանցի 8 միլիարդը

Ըստ հինգշաբթի օրը Միացյալ Նահանգների մարդահամարի բյուրոյի հրապարակած տվյալների՝ աշխարհի բնակչությունն անցյալ տարվա ընթացքում աճել է 75 միլիոնով և Ամանորի օրը կկազմի ավելի քան 8 միլիարդ:

Բյուրոյի տվյալներով՝ 2024 թվականի սկզբին աշխարհում ամեն վայրկյան սպասվում է 4,3 ծնունդ և երկու մահ։

ԱՄՆ-ի բնակչության աճի տեմպը տարվա կտրվածքով կազմել է 0,53%, որը, պարզվել է, համաշխարհային ցուցանիշի գրեթե կեսն է։ Ընդհանուր առմամբ, երկիրն աճել է 1,7 մլն մարդով, իսկ մինչև Նոր տարի ԱՄՆ-ի բնակչությունը կկազմի 335,8 մլն մարդ։

«Եթե ընթացիկ տեմպերը շարունակվեն տասնամյակի մնացած հատվածում, 2020-ականները կարող են լինել ԱՄՆ պատմության մեջ բնակչության աճի առումով ամենադանդաղը. 10 տարվա ընթացքում 4%-ից պակաս», - ասում է Բրուքինգսի ինստիտուտի փորձագետ Ուիլյամ Ֆրեյը:

Նախկինում ԱՄՆ-ի բնակչության ամենադանդաղ աճը գրանցվել էր 1930-ականների Մեծ դեպրեսիայից հետո, երբ աճի տեմպը կազմում էր 7,3%:

«Իհարկե, աճը կարող է մի փոքր արագանալ, երբ մենք վերջապես դուրս գանք համաճարակի շրջանից։ Բայց 7,3%-ին հասնելը դեռ դժվար կլինի»,- ասել է Ֆրեյը: Մանրամասները՝ սկզբնաղբյուր կայքում։