Ճապոնիայում նոր երկրաշարժ է գրանցվել (լուսանկարներ)

Առաջին ուժգին ցնցումներից մեկ ժամ չանցած՝ Իսիկավա պրեֆեկտուրայում, նոր երկրաշարժեր են տեղի ունեցել։

Մի քանի րոպե անց՝ ժամը տեղի են ունեցել 4,9 և 5,2 մագնիտուդով երկրաշարժեր։

Երկուշաբթի կեսօրին, ինչպես հայտնել ենք, Ճապոնիայի արևմտյան հատվածում հզոր երկրաշարժեր են տեղի ունեցել։ 5,7 մագնիտուդով առաջին ցնցումները գրանցվել են տեղական ժամանակով 16։06-ին (Երևանի ժամանակով՝ 11։06-ին): Երկրորդը՝ ավելի հզոր հարվածը՝ 7,6 մագնիտուդով, տեղի է ունեցել տեղական ժամանակով 16։10-ին (Երևանի ժամանակով՝ 11։10-ին): Եվս ութ րոպե անց 6,1 մագնիտուդ ուժգնությամբ երկրաշարժ է տեղի ունեցել։

Հայտարարվել է ցունամիի սպառնալիք։ Ուժեղ ցնցումներ են զգացվել Օսակայում, Կիոտոյում և Տոկիոյում։ Արագընթաց գնացքների շարժը դադարեցվել է։ Զոհերի կամ ավերածությունների մասին տեղեկություններ դեռ չկան։