Գազայի հատվածում ռազմական գործողությունների երրորդ փուլը կտևի առնվազն վեց ամիս. Reuters
Լուսանկարներ
Իսրայելը որոշ զորքեր դուրս է բերում Գազայի հատվածից ՀԱՄԱՍ-ի դեմ ավելի նպատակային գործողություններին անցնելու համար: Այս մասին Reuters-ին հայտնել է իսրայելցի բարձրաստիճան պաշտոնյան։
Գործակալության զրուցակցի խոսքով՝ իսրայելցի զինվորականները ներկայումս անցնում են ռազմական գործողությունների երրորդ փուլ, քանի որ իսրայելական տանկերն ու զինվորներն արդեն գրավել են Գազայի հատվածի մեծ մասը։ «Դա կտևի առնվազն վեց ամիս և կպահանջի ինտենսիվ մաքրման գործողություններ: Ոչ ոք չի խոսում Շաջայայից թռչող խաղաղության աղավնիների մասին», - ասել է պաշտոնյան՝ նկատի ունենալով մարտերից ավերված Գազայի շրջանը:
Նրա խոսքով, զորքերի դուրսբերումը կենտրոնացված է պահեստազորի վրա, որովհետև Իսրայելը 300 հազար մարդ է կանչել ռազմական գործողություններին մասնակցելու համար։
Իսրայելի իշխանությունները նախազգուշացրել են, որ եթե «Հեզբոլլահը» չնահանջի, Լիբանանում «լիամասշտաբ պատերազմ է սպասվում»։ «Չի կարելի թույլ տալ, որ իրավիճակը լիբանանյան ճակատում շարունակվի: Առաջիկա վեցամսյա ժամկետը կրիտիկական պահ է»,- ասել է պաշտոնյան:
Ամենադիտված 
ՀՀ ՊՆ–ն հայտարարություն է տարածել
